კორტების სპეცოპერაციასთან დაკავშირებით, ჯამში  11 პირია დაკავებული,-ამის შესახებ მთავარ პროკურატურასთან კახა ნაკანისა  და ირაკლი ფირცხალავას  ადვოკატმა დავით ხაჟალიამ ჟურნალისტებს განუცხადა.

მისივე განმარტებით, დაკავების ოქმში ჩაიწერა, რომ დაკავებულები არიან როგორც განზრახ მკვლელობით დამამძიმებელ გარემოებებში, ასევე მტკიცებულებათა ფალსიფიცირებით. ადვოკატის ინფორმაციით, ირაკლი ფირცხალავას ბრალად კორტების სპეცოპერაციის ორგანიზება და ამით მკვლელობის შენიღბვა ედება. ადვოკატი ვარაუდობს, რომ დაკავებულებს ბრალს ოფიციალურად ხვალ წაუყენებენ.

"დაკავებულია 11 პირი. ისინი არიან როგორც განზრახ მკვლელობით დამამძიმებელ გარემოებებში, ასევე, მტკიცებულებათა ფალსიფიცირებით. ერთი გამომძიებელი ბეროძე, რომელსაც მანქანა დაეჯახა და მიიღო დაზიანებები, მტკიცებულებათა ფალსიფიცირებითაა დაკავებული, ხოლო დანარჩენი განზრახ მკვლელობით. ვფიქრობთ, რომ ბრალდება, რის გამოც ფირცხალავა  დააკავეს, აბსურდული თეორიაა, რადგან დაკავების ოქმში წერია, რომ ფირცხალავამ დაგეგმა, ორგანიზება გაუკეთა და ამ სპეცოპერაციით შენიღბა მის მიერ დაგეგმილი მკვლელობა. სავარაუდოდ, ბრალი მათ ხვალ წარედგინებათ",-განაცხადა დავით ხაჟალიამ.

 რაც შეეხება მათ ადგილმდებარეობას,  ხაჟალიას ინფორმაციით, თბილისის სპეცდანიშნულების რაზმის ყოფილი მეთაური კახა ნაკანი ე.წ. მოდულის შენობაში, ხოლო კრიმინალური პოლიციის დეპარტამენტის დირექტორის ყოფილი მოადგილე  ირაკლი ფირცხალავა, მთავარ სამმართველოშია გადაყვანილი.

"ასევე გადანაწილებული არიან სხვადსხვა ბრალდებულები",-აღნიშნა ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს