აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომა გაიმართა.

აჭარის ჯანდაცვის სამინისტროს ინფორმაციით, სხდომაზე დღის  წესრიგით გათვალისწინებული 12 საკითხი განიხილეს, რომლებიც მეწყრის და ხანძრის შედეგად დაზარალებული ოჯახებისათვის ფინანსურ დახმარებას და საცხოვრებელი ფართებით უზრუნველყოფას ეხებოდა.

კერძოდ, კომისიის წევრებმა იმსჯელეს ქ. ბათუმის მერიისა და ქობულეთის მუნიციპალიტეტების გამგეობების მიერ წარმოდგენილი მეწყერის შედეგად დაზარალებული 6 ეკომიგრანტი ოჯახის საცხოვრებელი ფართით დაკმაყოფილების და შუახევისა და ხულოს მუნიციპალიტეტების გამგეობების მიერ ხანძრის შედეგად დაზარალებული 6 ოჯახისათვის ფინანსური დახმარების გამოყოფის თაობაზე. 11 ოჯახთან დაკავშირებით კომისიამ მიიღო დადებითი გადაწყვეტილება, 2 ოჯახთან დაკავშირებით შესაბამის მუნიციპალიტეტებს ეთხოვა მომდევნო სხდომაზე  წარმოადგინონ დაზუსტებული ინფორმაცია.

აღნიშნული 11 ოჯახიდან 4 ოჯახი (ბათუმისა და ქობულეთის მუნიციპალიტეტებიდან) ბინებით დაკმაყოფილდება ქ. ბათუმში მდებარე თამარის დასახლებაში არსებულ სოციალურ სახლში,  ხოლო ხანძრის შედეგად დაზარალებულ 6 ოჯახს გაეწევა ფინანსური დახმარება.

აღნიშნულ ოჯახებთან დაკავშირებით კომისიის მიერ მიღებული სარეკომენდაციო გადაწყვეტილება დასამტკიცებლად გადაეგზავნება მთავრობის თავმჯდომარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი