„გავრცელებული ვიდეოჩანაწერი „ნაციონალური მოძრაობის“  მიერ დადგმული სერიალიაა“,-ამის შესახებ უმრავლესობის ლიდერმა დავით საგანელიძემ "ქართული ოცნების" პოლიტსაბჭოს სხდომის დასრულების შემდეგ განაცხადა.

საგანელიძის თქმით,  „ნაციონალურ მოძრაობაში“ ბევრი ძალიან გამოცდილი და ნიჭიერი სცენარისტია.

„გუშინდელმა ჩანაწერმა გარკვეულწილად დამაფიქრა და ჩემი დასკვნები გამაკეთებინა, მაგრამ დღეს დამატებით გავრცელებულმა კიდევ ერთმა ვიდეოჩანაწერმა მაფიქრებინა, რომ ეს ნაცმოძრაობის სერიალია და როცა ამ სერიალს დგამს ინტიგებში და პიარში გამოცდილი პოლიტიკური ძალა უკვე მაფიქრებინებს, რომ ეს მათი დადგმული ერთი დიდი სცენარის ნაწილია. ასეთ შემთხვევაში ჩვენ უკვე ყველაფერს უნდა ველოდოთ, რადგან ამ პარტიაში ბევრი „ძალიან გამოცდილი და ნიჭიერი სცენარისტია“, ასეთი ხერხით „ნაციონალურ მოძრაობა“ ფიქრობს რა სიბინძურე გააკეთოს და რა ძალებით ებრძოლოს ხელისუფლებას. შეიძლება ის ქალბატონი გუშინდელ ვიდეოში არ იყო მსახიობი, მაგრამ მათ შეუძლიათ ნებისმიერი ადამიანი გაამსახიობონ, გააკეთებინონ  და ათქმევინონ ის რაც, მათ სურთ და შემდეგ კი ეს პოლიტიკური  მიზნებისთვის გამოიყენონ“,-განაცხადა საგანელიძემ.

შეგახსენებთ, რომ „ნაციონალურმა მოძრაობამ“ გაავრცელა ვიდეოჩანაწერი, სადაც ქალბატონი პატრულის თანამშრომელს სიტყვიერ შეურაცხყოფას აყენებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება

აშშ-ის საელჩომ საქართველოს დედაენის დღე მიულოცა

„ოცნების“ წარმომადგენელი: უნგრეთის მომავალი პრემიერ-მინისტრის განცხადება მისასალმებელია