ლევან ყიფიანი: არავის მივცემ უფლებას, ფედერაციების საქმიანობაში ხელი აფათუროს

2015-04-01 13:16:07, 357 ნახვა

პოლიტიკა

სპორტისა და ახალგაზრდობის საქმეთა მინისტრი ლევან ყიფიანი ჩვეულ რეჟიმში აგრძელებს მუშაობას.

ამის შესახებ მან სამინისტროში გამართული პრესკონფერენციის დასრულების შემდეგ ჟურნალისტებს განუცხადა.

მისივე განმარტებით, მის მიმართ გამოთქმულ კრიტიკასთან დაკავშირებით, პრემიერ-მინისტრს ესაუბრა. ყიფიანი ამბობს, სხვადასხვა ფედერაციების საქმიანობაში ჩარევის უფლებას არავის მისცემს.

"საუბარი მქონდა პრემიერთან, ვესაუბრე ვიცე-პრემიერს, მინისტრთა კაბინეტის სხვა წევრებს. ჩვეულ რიტმში ვაგრძელებ მუშაობას.არასდროს არ მივცემ უფლებას, ვინც არ უდნა იყოს ეს- პარლამენტარი, ოლიმპიური ჩემპიონი, თუ სხვა, ხელი აფათუროს სხვადასხვა ფედერაციების საქმიანობაში და მე ვიქნები ის ადამიანი, ვინც დაიცავს იმას, რითაც ჩვენ მოვედით და საზოგადოებას პირობა მივეცით, რომ არ ჩავერევით ფედერაციების საქმიანობაში",-განაცხადა ლევან ყიფიანმა.

შეგახსენებთ, რამდენიმე დღის წინ პარლამენტში გამართულ სპორტის კომიტეტის სხდომაზე კომიტეტის წევრებმა ლევან ყიფიანის მუშაობა გააკრიტიკეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან