"ეკონომიკური გუნდის მიერ სავალუტო სტაბილიზაციის გეგმის წარმოდგენის ვადა დაირღვა", – ამის შესახებ პრეზიდენტის მრჩეველმა ეკონომიკურ საკითხებში გიორგი აბაშიშვილმა პრეზიდენტის ადმინისტრაციაში გამართულ ბრიფინგზე განაცხადა.

როგორც მან აღნიშნა, გასულ კვირას საქართველოს პრეზიდენტი გიორგი მარგველაშვილი ფინანსთა მინისტრს ნოდარ ხადურს და ეკონომიკისა და მდგრადი განვითარების მინისტრს გიორგი კვირიკაშვილს შეხვდა.
აბაშიშვილის თქმით, მთავრობის ეკონომიკური გუნდის წევრები პრეზიდენტსა და საზოგადოებას დაპირდნენ, რომ 5 მარტს სავალუტო სტაბილიზაციის კონკრეტულ გეგმას წარმოადგენდნენ, თუმცა, მათ ეს არ შეასრულეს.

„მოგეხსენებათ, გასულ კვირას  საქართველოს პრეზიდენტი შეხვდა საქართველოს მთავრობის ეკონომიკური გუნდის წარმომადგენლებს,  ვიცე პრემიერს და ფინანსთა  მინისტრს. აღნიშნულ შეხვედრაზე  სამწუხაროდ, მიუხედავად ჩვენი მოწვევისა,  გაურკვეველ მიზეზთა გამო არ იმყოფებოდა  საქართველოს ეროვნული ბანკის პრეზიდენტი.  შეხვედრის შედეგად საქართველოს მთავრობის  ეკონომიკური გუნდის წევრები  პრეზიდენტს და საზოგადოებას  დაპირდნენ, რომ 5 მარტს წარმოადგენდნენ  სავალუტო სტაბილიზაციის  კონკრეტულ გეგმას, რომელიც შემუშავებული იქნებოდა  საერთაშორისო სავალუტო ფონდთან  და ეროვნულ ბანკთან   თანამშრომლობით.  სამწუხაროდ, ამ დრომდე გეგმა  წარმოდგენილი არ არის“, – აღნიშნა აბაშიშვილმა.

აბაშიშვილმა ეკონომიკური გუნდის წარმომადგენლებს საზოგადოების წინაშე მათი პოლიტიკური პასუხისმგებლობა შეახსენა და მოუწოდა, რომ სავალუტო სტაბილიზაციის გეგმა წარმოადგინონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია