საფრანგეთის ქალაქ ლილში ფეხბურთის რუს და ინგლისელ გულშემატკივრებს შორის მორიგი ჩხუბი მოხდა, - ამის შესახებ BBC იუწყება.

როგორც მედია საშუალება წერს, დაპირისპირება ორი ნაკრების გულშემატკივრებს შორის ერთ-ერთ კაფესთან დაიწყო. ჩხუბის დროს რუსეთის ორი მოქალაქე დააკავეს.

Telegraph-ის ინფორმაციით, ორმა რუსმა გულშემატკივარმა კაფესთან ჩაიარა, რომელშიც ინგლისის ნაკრების 70-მდე გულშემატკივარი იმყოფებოდა. ორივე ნაკრების მხარდამჭერებმა ერთმანეთის სიტყვიერი შეურაცხყოფა დაიწყეს, შემდეგ კი სკამები ესროლეს. ვითარების დარეგულირება მხოლოდ პოლიციის მისვლის შემდეგ გახდა შესაძლებელი.

შეგახსენებთ, რომ 11 ივნისს ინგლისელ და რუს გულშემატკივრებს შორის მომხდარი შეტაკების გამო UEFA-მ რუსეთის საფეხბურთო კავშირი 150 ათასი ევროთი დააჯარიმა. ამასთან UEFA-მ დაადგინა, რომ თუ რუსი გულშემატკივრების მონაწილეობით არეულობა განმეორდება, რუსეთის ნაკრები ევრო-2016-ს გამოეთიშება.

ამავე დროს, საფრანგეთის პოლიციამ ერთი დღით  რუსი გულშემატკივრების ჯგუფი დააკავა. მათ ნაწილს რუსეთში დაადეპორტებენ.

ცნობისთვის, დღეს საფრანგეთის ქალაქ ლილში სლოვაკეთისა და რუსეთის ნაკრებებს შორის გაიმართება მატჩი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი