2016-05-24 15:34:07, 1308 ნახვა
მსოფლიო
დონბასში შვიდი უკრაინელი სამხედრო დაიღუპა
ბოლო დღე-ღამის განმავლობაში აღმოსავლეთ უკრაინაში შვიდი უკრაინელი სამხედრო დაიღუპა, - ამის შესახებ ადგილობრივი მედია უკრაინის ნაციონალური უსაფრთხოებისა და თავდაცვის საბჭოს მდივანზე ალექსანდრ ტურჩინოვზე დაყრდნობით იუწყება.
მისივე თქმით, 9 ჯარისკაცია დაშავებული.
მედიის ინფორმაციით, ეს ბოლო ერთი წლის განმავლობაში უკრაინის შეიარაღებული ძალების ყველაზე დიდი დანაკარგია ერთ დღეში.
უკრაინის ხელისუფლებამ სამხედროებზე თავდასხმაში პასუხისმგებლობა რუსეთს დააკისრა.
ცნობისთვის, 2014 წლის აპრილის შემდეგ აღმოსავლეთ უკრაინაში სამხედრო მოქმედებების შედეგად 9300-ზე მეტი ადამიანი დაიღუპა. 2015 წლის თებერვალში გერმანიისა და საფრანგეთის შუამავლობით მისნკის შეთანხმების გაფორმების შემდეგ აღმოსავლეთ უკრაინაში ცეცხლის შეწყვეტის რეჟიმი გამოცხადდა. თუმცა მხარეები ერთმანეთს სამშვიდობო შეთანხმების დარღვევაში ადანაშაულებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
