რუსეთი უკრაინის მიმართულებით შეტევებს განაგრძობს. უკრაინული მხარის ინფორმაციით, რუსეთმა უპილოტო საფრენი აპარატებით ხარკოვის ოლქს შეუტია. დარტყმა საცხოვრებელ სექტორზე განხორციელდა. შედეგად ერთი ადამიანი დაიღუპა, ხოლო სამი დაშავდა, მათ შორის ორი მოზარდი.

პარალელურად რუსეთის თავდაცვის სამინისტროს ინფორმაციით, ღამის განმავლობაში საჰაერო თავდაცვის სისტემებმა სულ 31 უპილოტო საფრენი აპარატი ჩამოაგდეს. მათგან 16 დრონი ვორონეჟის ოლქის ტერიტორიაზე განადგურდა, ცხრა – ბელგოროდის ოლქში, ხუთი – როსტოვის ოლქში და ერთი – კურსკის ოლქში. ბელგოროდში განხორციელებული თავდასხმის შესახებ ინფორმაციას ოლქის გუბერნატორიც ავრცელებს. მისი ცნობით, დაშავებულია ორი ადამიანი, ისინი ადგილობრივ საავადმყოფოში არიან გადაყვანილები.

კვლავ მძიმე ვითარებაა კურსკის ოლქში, სადაც ქალაქ სუჯის დაბომბვის დროს სამი ადამიანი დაშავდა. კურსკის ოლქის სასაზღვრო დასახლებებიდან სულ ევაკუირებულია 301 ადამიანი, მათ შორის 12 ბავშვი. რუსული მხარის ინფორმაციით, მხოლოდ სუჯიდან გამოყვანილია 119 ადამიანი.

ავტორი: ექსპრესნიუსი,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება