აჭარის მთავრობის თავმჯდომარე, ზურაბ პატარაძე ევროპულ და ევროატლანტიკურ სტრუქრუტებში ინტეგრაციის საკითხებში სახელმწიფო მინისტრის მოადგილეს, არჩილ ყარაულაშვილს და ნატოსა და ევროკავშირის საინფორმაციო ცენტრის დირექტორის მოვალეობის შემსრულებელს, გიორგი ფარეშიშვილს შეხვდა.

როგორც „ექსპრესნიუსს“ აჭარის მთავრობის პრესსამსახურიდან აცნობეს, გაცნობითი ხასიათის შეხვედრას ნატოსა და ევროკავშირის საინფორმაციო ცენტრის აჭარის წარმომადგენლობის კოორდინატორი, ირმა გაბინაშვილი და საერთაშორისო ურთიერთობათა დეპარტამენტის უფროსი, ხათუნა ნაყეური ესწრებოდნენ.

მათივე ცნობით, შეხვედრის მთავარი მიზანი აჭარის ავტონომიური რესპუბლიკის მთავრობასა და ევროპულ და ევროატლანტიკურ სტრუქრუტებში ინტეგრაციის საკითხებში სახელმწიფო მინისტრის აპარატს შორის თანამშრომლობის გაღრმავება და კოორდინირებული მუშაობის გაგრძელებაა.

უწყებების ხელმძღვანელებმა ხაზი გაუსვეს ევროკავშირში საქართველოს ინტეგრაციის საკითხებში სამოქალაქო საზოგადოების ჩართულობის მნიშვნელობას, ამ მიმართულებით ინფორმაციის ხელმისაწვდომობის გაზრდისა და ცნობიერების ამაღლების საკითხებს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისია და მადიარის გუნდი უნგრეთისთვის გაყინული 35 მილიარდის გამოყოფაზე მსჯელობენ

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს