საქართველოს ტერიტორიული მთლიანობის, სამშვიდობო მისიებისა და სამსახურებრივი მოვალეობის დროს დაღუპული ქართველი სამხედრო მოსამსახურეების შვილები ბათუმის დელფინარიუმში იმყოფებოდნენ.

თავდაცვის სამინისტროს ინფორმაციით, აჭარის, იმერეთის და სამეგრელოს რეგიონიდან ბათუმში ჩამოსულ დაღუპული სამხედროების ოჯახის წევრებსა და ბავშვებს III ქვეითი ბრიგადის 31-ე ბატალიონის სამხედრო მოსამსახურეებმა უმასპინძლეს.

დელფინარიუმის შემოქმედებითმა ჯგუფმა ბავშვებს შოუს ელემენტებით გაჯერებული შემეცნებითი სანახაობა შესთავაზა. შოუში მონაწილე დელფინებმა - ზორომ, მაიამ, მონიკამ, ციციმ, ფლიპერისმა, მარკომ, ნინიმ და კვირიამ პატარა სტუმრებისთვის 30-მდე ნომერი, სამი ცეკვა, რგოლებითა და ბურთებით თამაში, კუდზე ბალანსი და სხვა შთამბეჭდავი ნომრები შეასრულეს.

საქართველოს თავდაცვის სამინისტროს ინიციატივით გამართულ სოციალურ აქციას მხარი ბათუმის დელფინარიუმმა და ქალაქის მერიამაც დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა