სიმონეთის სამხედრო პოლიგონზე ასეულის დონის გეგმიური ტაქტიკური სწავლება დასრულდა.

თავდაცვის სამინისტროს ინფორმაციით, წვრთნის დასკვნით ფაზაზე, საქართველოს შეიარაღებული ძალების III ქვეითი ბრიგადის 32-ე ბატალიონის 134 სამხედრო მოსამსახურემ საჩვენებელი წვრთნა გამართა.

ჯარისკაცებმა სწავლებაში - „ბრძოლა დასახლებულ ადგილას“ მიიღეს მონაწილეობა. მათ პირობითი მოწინააღმდეგისგან შენობების წმენდის ოპერაცია ჩაატარეს. სწავლების დროს დაცული იყო უსაფრთხოების ზომები.

ორკვირიანი საველე გადამზადების დროს სამხედრო მოსამსახურეები ტოპოგრაფიაში, ნავიგაციასა და ტაქტიკური მარშების შესრულებაში ვარჯიშობდნენ. მათ საცეცხლე და ტაქტიკური მომზადებაც გაიარეს.

სამხედრო მოსამსახურეების წვრთნის პროცესი III ქვეითი ბრიგადის დამკვირვებელთა ჯგუფმა შეაფასა.

გეგმიური საველე სწავლების მიზანს სამხედრო მოსამსახურეების მუდმივი საბრძოლო მზადყოფნა წარმოადგენს და იგი პერმამენტულად ტარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა