2026-02-01 18:52:02, 933 ნახვა

---

ამრამი: საქართველოში დასასვენებლად ჩასულ 17 წლის ისრაელის მოქალაქეებს თავს დაესხნენ - ვიდეო

ისრაელელი ჟურნალისტი, დანიელ ამრამი წერს, რომ 31 იანვარს საღამოს საქართველოში დასასვენებლად ჩამოსულ ისრაელის 17 წლის მოქალაქეებს ერთ-ერთ სასტუმროში თავს დაესხნენ. 

ამრამი ახალგაზრდებზე დაყრდნობით წერს, რომ თავდამსხმელები ყვიროდნენ: "თავისუფლება პალესტინას" და "ჰაილ ჰიტლერ". 

ამის შესახებ ამრამი სოციალურ მედიაში, მათ შორის, საკუთარ Telegram-არხზე წერს.

როგორც ჟურნალისტი აღნიშნავს, საქართველოში ტურისტული მიზნით ჩამოსული ახალგაზრდები ქვეყანაში 8 დღის განმავლობაში უნდა დარჩენილიყვნენ, თუმცა გუშინდელი შემთხვევის შემდეგ სავარაუდოდ გეგმებს გააუქმებენ. 

ექსპრესნიუსი დეტალების გასარკვევად შსს-ს დაუკავშირდა, უწყების მიერ ინფორმაციის მოწოდებისთანავე მასალა განახლდება. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი