მთავრობის ადმინისტრაციასთან ცხოველთა უფლებადამცველები შეიკრიბნენ და აქცია გამართეს. აქციაზე მოქალაქეები შინაური ცხოველებით და ბანერებით მივიდნენ.

აქციაზე მყოფების თქმით, მათი მოთხოვნაა, ცხოველებს, რა ადგილიდანაც გადაიყვანს სურსათის ეროვნული სააგენტო, დააბრუნოს იმავე ადგილას, რათა არსებობდეს კომუნიკაცია მათ მიმკედლებლებთან.

კერძოდ, აქციის მონაწილეები მოითხოვენ გაუქმდეს თებერვალში მიღებულ განკარგულებაში არსებული ჩანაწერი, რომლის თანახმადაც, აიკრძალა სტერილიზაციის მიზნით გადაყვანილი ძაღლების დაბრუნება იმ ადგილებში, სადაც ცხოვრობდნენ თუკი მათი სტერილიზაციამდელი მიკედლების არეალი ახლოსაა სასწავლო და სამედიცინო დაწესებულებებთან, საზოგადოებრივი კვების ობიექტებთან, აგრარულ ბაზრებთან, სასტუმროებთან და სპორტულ მოედნებთან.

ამასთან, მოქალაქეების თქმით, არიან ძაღლები, რომლებსაც არ ჰყავთ მიმკედლებელი, ამიტომ სავალდებულო უნდა გახდეს კამერების დაყენება, ამგვარად კი არასამთავრობო სექტორმა შეძლოს ასეთი ძაღლის ადგილსამყოფლის გადამოწმება.

მიუსაფარი ცხოველების დასაცავად აქციები რამდენიმე კვირაა იმართება თბილისში და რეგიონებში. აქციის მონაწილეები აპროტესტებენ სურსათის ეროვნული სააგენტოს საპილოტე პროგრამას უპატრონო და მიკედლებული ცხოველების სამართავად, რომელიც მოიაზრებდა 9000 ცხოველის სტერილიზაცია-კასტრაციასა და ვაქცინაციას. შესაბამისი განკარგულება სააგენტოს ავალდებულებდა უკვე სტერილიზებული ცხოველების გარემოში დაბრუნებას, თუმცა, აქციის მონაწილეების ინფორმაციით, სააგენტო ცხოველების დიდ ნაწილს არ აბრუნებდა, მათ ნაწილს კი, ვისაც აბრუნებდა, ჭირი და სხვა დაავადებები აღმოაჩნდათ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი