შინაგან საქმეთა სამინისტროს თანამშრომელი აღარაა გრიგოლ ბესელია, რომელიც ჟურნალისტ მზია ამაღლობელის სისხლის სამართლის საქმეზე ერთ-ერთი მოწმე იყო. უწყებაში მხოლოდ იმას ადასტურებენ, რომ ბესელია მათთან აღარ მუშაობს, თუმცა მიზეზზე არ საუბრობენ.

ამაღლობელის დაკავების დროს ბესელია აჭარის პოლიციის დეპარტამენტის უფროსი იყო, 2025 წლის მაისში კი ცენტრალური კრიმინალური პოლიციის დეპარტამენტის დირექტორის მოადგილედ დაინიშნა.

„ნეტგაზეთისა“ და „ბათუმელების“ დამფუძნებლის, მზია ამაღლობელის სასამართლო სხდომაზე მოწმის სტატუსით დაკითხვის შემდეგ, 2025 წლის 28 აპრილს, გრიგოლ ბესელია სასამართლოს შენობიდან მოქალაქეებმა შეძახილებით („ცრუპენტელა, ცრუ მოწმე, მატყუარა”) გააცილეს.

„სახეში დაარტყა ხელი. ისეთი ხმა იყო დარტყმის შემდეგ, დაიშალა საერთოდ აქცია. მართლა გეუბნებით. იმის შემდეგ აქცია საერთოდ აღარც გაგრძელებულა. 3-4 კაცი დარჩა“, - თქვა გრიგოლ ბესელიამ იმ დღეს სასამართლო სხდომაზე.

„ბათუმელებისა“ და „ნეტგაზეთის“ დამფუძნებელი მზია ამაღლობელი 2025 წლის 12 იანვარს დააკავეს პოლიციელისთვის სილის გაწვნის გამო და ბრალი წაუყენეს სისხლის სამართლის კოდექსის 353-ე პრიმა მუხლის პირველი ნაწილით (თავდასხმა პოლიციელზე).

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი