მომავალი სეზონიდან გიორგი მამარდაშვილი ლივერპულში თავისი ჩვეული 25 ნომრით ითამაშებს. ის მერსისაიდერების ისტორიაში მეხუთე ფეხბურთელი გახდება, რომელიც ამ ნომრით ითამაშებს. უპირველეს ყოვლისა, ეს არის პეპე რეინა, რომელთანაც ქართველ მეკარეს ბევრი რამ აქვს საერთო.

ესპანელი მეკარის მსგავსად, „წითლების“ ამჟამინდელი მეკარეც ლა ლიგიდან და ვალენსიური გუნდიდან გადავიდა. ვეტერანის ბოლო კლუბი ენფილდამდე ვილიარეალი იყო, ხოლო 24 წლის მეკარის ბოლო კლუბი ვალენსია. აღსანიშნავია, რომ ესპანეთის ნაკრების ყოფილმა მეკარემ ლივერპულში თითქმის 10 წელი გაატარა (2005-2014).

ამ პერიოდში 42 წლის ყოფილმა მეკარემ მერსისაიდერების რიგებში 390-ზე მეტი მატჩი ჩაატარა და 4 ტიტული მოიგო. გარდა ამისა, „წითლების“ ყოფილმა 25-ე ნომერმა სამჯერ მოიგო ინგლისის ჩემპიონატის „ოქროს ხელთათმანი“ და ერთხელ გუნდის საუკეთესო მოთამაშედ აღიარეს.

როგორც ვხედავთ, რეინას საკმაოდ ნაყოფიერი კარიერა ჰქონდა ენფილდზე, ვნახოთ, რას იზამს მამარდაშვილი. რაც შეეხება ლივერპულის ისტორიაში დანარჩენ 25-იანებს, ესენი არიან იგორ ბიშანი, დევიდ ტომპსონი და ნილ რუდოკი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი