ნათელაშვილი: მთელი პრორუსული სპექტრი, რაინდები, აზნაურები, თავადები შემოხრიალდებიან პარლამენტში

2019-06-24 16:30:09, 3908 ნახვა

ევროპის ამბები

„მთელი პრორუსული სპექტრი, რაინდები, აზნაურები, თავადები თუ რაც ჰქვიათ, შემოხრიალდებიან პარლამენტში, იმ უბარიერო პირობებში და ჩვენ მივიღებთ არჩევისთანავე, უკვე დასაშლელად გამზადებულ უმაღლეს საკანონმდებლო ორგანოს. რა მნიშვნელობა აქვს ბიძინა ივანიშვილისთვის ერთი პარტიით შეადგენს საპარლამენტო უმრავლესობას და გააგრძელებს ქვეყნის კონტროლს, თუ 38, მის მიერ დაფინანსებული და შეყვანილი თითო პარტიიდან თითო სატელიტით შეადგენს საპარლამენტო უმრავლესობას. არავითარი მუშაობა არ აქვს მაჟორიტარი ქუცნაშვილი იქნება მისი უმრავლესობის წევრი თუ პარტიის ლიდერად დარეგისტრირებული ქუცნაშვილი. სანამ არ გადადგება ჩვენი ახალგაზრდების თვალების დამთხრელი გახარია, სანამ არჩევნები არ გახდება სავალდებულო, სანამ არ გაუქმდება ცენტრალური საარჩევნო კომისია, სანამ არ დადგინდება კონსტიტუციური ბარიერი პარლამენტში მოსახვედრად, სახალხო წინააღმდეგობა არ შეწყდება".

"საქართველოს ლეიბორისტული პარტიის" თავმჯდომარე, შალვა ნათელაშვილი მმართველი გუნდის გადაწყვეტილებაზე, 2020 წელს პროპორციულ სისტემაზე გადასვლაზე.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან