ფრაქცია „თავისუფალი დემოკრატების“  წევრი შალვა შავგულიძე არასრულწლოვნებისთვის სპეციალიზებული ინსტიტუტების შექმნას მიესალმება.
როგორც შავგულიძემ ჟურნალისტებს განუცხადა, აღნიშნული სიახლე სამართლიანი მართლმსაჯულების განხორციელებას შეუწყობს ხელს.
 „ცალსახად შეიძლება ითქვას, რომ არასრულწლოვანთა მართლმსაჯულების სპეციალიზაცია  ჩვენს ქვეყანაში  სრულფასოვანი და სამართლიანი მართლმსაჯულების განხორციელებას გამოადგება. ეს არ არის ისეთი სიახლე, რომელიც მხოლოდ ჩვენ მოვიგონეთ, ამ პროფილით მრავალ ევროპულ ქვეყანაშია სპეციალიზებული და მხოლოდ მისასალმებელია. შეილება გარკვეული დებულებები, კონკრეტული საკითხები შემდგომში დამუშავდეს, დაიხვეწოს, მაგრამ პრინციპი, რომ მოხდეს სპეციალიზაცია, ამ კუთხით მისასალმებელია“,  – განაცხადა შალვა შავგულძემ.
ცნობისთვის, არასრულწლოვანთა მართლმსაჯულების კოდექსი 18 წლამდე ასაკის მოზარდებისთვის სპეციალიზებული, ევროპული სტანდარტებისა და გაეროს ბავშვთა უფლებების დაცვის კონვენციასთან შესაბამისობაში მოყვანილი მართლმსაჯულების სისტემის შექმნას ითვალისწინებს. 18 წლამდე ასაკის პირებისათვის მართლმსაჯულების სპეციალიზებული ინსტიტუტი მთავარი სიახლეა ამ კოდექსში, რომლის ამოქმედების შემდეგ საქართველოში სპეციალიზებული პოლიციელები, გამომძიებლები, პროკურორები და მოსამართლეები იქნებიან, რომლებიც ბავშვების საქმეებს გამოიძიებენ და განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს