ევროპის ახალგაზრდული ოლიმპიური ფესტივალი „თბილისი 2015“–სთვის სახელმწიფო ბიუჯეტიდან ათი მილიონი ლარი გამოიყო. 

აღნიშნულს „ქალაქ თბილისის მუნიციპალიტეტისათვის თანხის გამოყოფის შესახებ“ განკარგულება ითვალისწინებს, რომელიც პრემიერ–მინისტრის ირაკლი ღარიბაშვილის მიერაა ხელმოწერილი. 
განკარგულების თანახმად, ათი მილიონი „თბილისი 2015“–ის ორგანიზებასთან დაკავშირებულ ხარჯებს ნაწილობრივ დააფინანსებს. 

ათი მილიონიდან 7 561 000 ლარი „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან გამოიყოფა და  სამშენებლო, სარემონტო–სარეკონსტრუქციო სამუშაოები, შესაბამისი აღჭურვისა და სხვა ინფრასტრუქტურული სამუშაოები დაფინანსდება. 

2 439 000 ლარი კი,  საქართველოს მთავრობის სარეზერვო ფონდიდან გამოიყოფა, რითაც ოფიციალური ფესტივალის გახსნა–დახურვის ცერემონიალი ნაწილობრივ დაფინანსდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს