2024-07-11 21:39:04, 844 ნახვა

---

ქედის მერია - ახალი საზოგადოებრივი ტრანსპორტი ქედა-ბათუმის მიმართულებით პირველად გავიდა

დღეს, ახალი საზოგადოებრივი ტრანსპორტი ქედა-ბათუმის მიმართულებით პირველად გავიდა. ახალი ავტობუსი ქედა-ბათუმი-ქედა სამარშრუტო ხაზზე იმოძრავებს. ამის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, საზოგადოებრივი ტრანსპორტით l ჯგუფის შშმ პირები, ომის ვეტერანები, სტუდენტები და მოსწავლეები უფასოდ იმგზავრებენ.

"ახალი ავტობუსი შემდეგი განრიგით იმოძრავებს:

07:45 საათი  ბათუმი-ქედა;

18:00 საათი  ქედა-ბათუმი.

ახალი თანამედროვე სტანდარტებით აღჭურვილი და შშმ პირებისათვის ადაფტირებული ახალი საზოგადოებრივი ტრანსპორტი ქედა-ბათუმი-ქედა სამარშრუტო ხაზზე ყოველდღე იმოძრავებს.

ქედის მუნიციპალიტეტის მერიამ, ახალი ავტობუსი საქართველოს მთავრობის მხარდაჭერით და აჭარის ბიუჯეტიდან მიღებული კაპიტალური ტრანსფერით შეიძინა", - ნათქვამია ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი