2015-01-11 16:26:33, 623 ნახვა
საზოგადოება
თბილისის ზღვაზე "ოლიმპიურ სოფელში" გაჩენილი ხანძარი ლოკალიზებულია.ცეცხლი მშენებლობაზე დასაქმებული მუშების საცხოვრებელ კოტეჯებს გაუჩნდა. ხანძრის შედეგად, ერთი ჩინელი მუშა დაშავდა. მისი ჯანმრთელობის მდგომარეობა სტაბილურია. ის მკურნალობას საავადმყოფოში გადის.
ხანძრის შედეგად საერთო ჯამში, 700-მდე კვადრატული მეტრის ფართობზე განლაგებული კოტეჯებია დაიწვა. განადგურებულია ჩინელი მუშების საყოფაცხოვრებო ნივთებიც.
ადგილზე 12 სახანძრო-სამაშველო ჯგუფი იყო მობილიზებული. არსებობდა საშიშროება, რომ ქარის გამო, ხანძარი უფრო დიდ ფართობზე გავრცელებულიყო, თუმცა მიის დროულად ლოკალიზება მოხერხდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
