სასამართლომ "ჰაკიმ ფაშას" სახელით გავრცელებული ვიდეომასალა არ გაიზიარა

2015-03-16 15:27:57, 784 ნახვა

სამართალი

სასამართლომ ზურაბ ჟვანიას საქმეში "ჰაკიმ ფაშას" სახელით გავრცელებული ვიდეომასალა არ გაიზიარა. ამის შესახებ თბილისის საქალაქო სასამართლოში მოსამართლე დავით მგელიაშვილმა ექსპერტ ლევან ჩაჩუას მიმართ გამოტანილი განაჩენის გამოცხადებისას აღნიშნა.

"სასამართლო ჰაკიმ ფაშას ვიდეოს საერთოდ არ შეაფასებს და არ გაიზიარებს, ვინაიდან საპროცესო კოდექსის 78-ე მუხლი მიუთითებს, რომ ჩვენ არ ვიცით, ვინ არის ჰაკიმ ფაშა, რას წარმოადგენს, რა ვითარებაში მოიპოვა მტკიცებულება, სად ინახავდა და როდის, ან საიდან ატვირთა იგი შესაბამისად ინტერნეტ სივრცეში",-განაცადა მოსამართლე დავით მგელიაშვილმა.

ცნობისთვის, სქართველოს ყოფილი პრემიერ-მინისტრის ზურაბ ჟვანიას, გარდაცვალების საქმეზე ბრალდებული ექსპერტი ლევან ჩაჩუა სასამართლომ უდანაშაულოდ ცნო. ლევან ჩაჩუას აღკვეთის ღონისძიების სახით შეფარდებული გირაოც გაუუქმდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან