კაპანაძე: პასუხი უნდა გაეცეს კითხვებს, რომელიც აგვისტოს ომთან დაკავშირებით არსებობს

2016-08-08 12:50:53, 1239 ნახვა

კომენტარი

აგვისტოს ომის გამოძიება სხვა უწყების საქმეა, სამხედრო თვალსაზრისით კი, მოკვლევა გაკეთდა, რომელიც დოკუმენტირებულია და გადაცემულია შესაბამისი უწყებისთვის, - ამის შესახებ საქართველოს შეიარაღებული ძაალების გენერალური შტაბის უფროსმა ვახტანგ კაპანაძემ ჟურნალისტებს განუცხადა.

„სამხედროების საქმე იყო, დაედგინათ, თუ რამდენად სწორად მიმდინარეობდა სამხედრო ქმედებები. დანარჩენი ჩვენი კომპეტენციის ფარგლებს ცდება და მაზე სხვა ორგანოებმა უნდა იფიქრონ. ყველაფერს უნდა დაესვას წერტილი და გაეცეს პასუხი იმ შეკითხვებს, რომლებიც არსებობს“, - განაცხადა ვახტანგ კაპანაძე.

ამასთან, გენერალური შტაბის უფროსმა აგვისტოს ომში დაღუპულთა ოჯახებს მიუსამძიმრა.

„ვუსამძიმრებ ამ ბიჭების ოჯახის წევრებს. ვისურვებ, ჯანსაღად ყოფილიყვნენ. ვისურვებდი, რომ დაკარგული სამხედრო მოსამსახურეების ჩამოსვენებაც შევძლოთ“, - განაცხადა ვახტანგ კაპანაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან