თურქეთმა მასშტაბური რეიდების შესახებ განაცხადა და დააკავა „ისლამური სახელმწიფოს“ 115 სავარაუდო მხარდამჭერი, რომლებიც, სავარაუდოდ, შობასა და ახალ წელს ტერორისტულ თავდასხმებს გეგმავდნენ.

ამის შესახებ იტყობინება „როიტერი“.

სტამბოლის პროკურატურამ დაკავებების შესახებ 25 დეკემბერს განაცხადა. სტამბოლის პოლიციამ მიიღო ინფორმაცია, რომ „ისლამური სახელმწიფოს“ სიმპათიზატორები შობისა და ახალი წლის დღესასწაულებზე თურქეთში ტერორისტულ თავდასხმებს გეგმავდნენ, ძირითადად არამუსლიმების წინააღმდეგ.

შობამდე სტამბოლში 124 მისამართზე რეიდები ჩატარდა, რის შედეგადაც 137 ეჭვმიტანილიდან 115 დააკავეს. ასევე ამოიღეს რამდენიმე ცეცხლსასროლი იარაღი და საბრძოლო მასალა.

ეჭვმიტანილების სავარაუდო გეგმების შესახებ დამატებითი დეტალები ჯერ არ გახმაურებულა.

დეკემბრის დასაწყისში, გერმანიის ქალაქ მაგდებურგში ტერორისტული თავდასხმის დაგეგმვაში ეჭვმიტანილი მამაკაცი დააკავეს.

პოლონეთში ლუბლინიდან ჩამოსული სტუდენტი დააკავეს, რომელიც, სავარაუდოდ, საშობაო ბაზრობაზე ასაფეთქებელი ნივთიერებების გამოყენებით ტერორისტულ თავდასხმებს გეგმავდა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო