2025-12-14 12:17:59, 13720 ნახვა
მსოფლიო
მერცი - აშშ-ის ევროპაზე დომინირების ერა დასრულდა.
„პაქს ამერიკანა“ მეორე მსოფლიო ომის შემდგომი პერიოდია, როდესაც შეერთებული შტატები დასავლურ სამყაროში უსაფრთხოებისა და სტაბილურობის მთავარი გარანტი იყო.
ფრიდრიხ მერცმა ეს ერა ევროპისთვის დასრულებულად გამოაცხადა.
„პაქს ამერიკანას ათწლეულები ჩვენთვის დასრულდა. ნოსტალგია არ დაგვეხმარება. ეს ფაქტია! ამერიკელები ახლა ძალიან დაჟინებით იცავენ თავიანთ ინტერესებს. ამიტომ, ახლა ჩვენც უნდა დავიცვათ ჩვენი“, - განაცხადა გერმანიის კანცლერმა.
მისი სიტყვები აშშ-ის ეროვნული უსაფრთხოების სტრატეგიის გამოქვეყნებიდან მალევე გაჟღერდა, რომელშიც ცალსახად არის ნათქვამი, რომ ევროკავშირმა უნდა აიღოს პასუხისმგებლობა საკუთარ თავდაცვაზე.
ავტორი: ექსპრესნიუსი,
epn.ge (@expressnews.ge)
