უკრაინის პრეზიდენტმა, ვოლოდიმირ ზელენსკიმ გამოაცხადა, რომ უკრაინამ ბალისტიკური რაკეტების პროგრამა და მათი წარმოება მაქსიმალურად უნდა ააჩქაროს. 

ამის შესახებ ზელენსკიმ უკრაინის შეიარაღებული ძალების მთავარსარდალის, ოლექსანდრ სირსკის შტაბის შეხვედრის შემდეგ ილაპარაკა.

"ამოცანა არის, რომ უკრაინული ბალისტიკის შექმნა მაქსიმალურად აჩქარდეს. ჩვენი შორსმსროლელობა არის უკრაინის უსაფრთხოების მკაფიო და ეფექტიანი გარანტია". - თქვა ზელენსკიმ. 

გარდა ამისა, ზელენსკიმ აღნიშნა, რომ შეხვედრაზე უკრაინის მფლობელობაში მყოფ F-16-ის ტიპის ამერიკულ ავიაგამანადგურებლებზეც ილაპარაკეს. კრებაზე განიხილეს F-16-ები, რომლებიც უკრაინას უკვე აქვს და რომლებიც უკრაინაში უახლოეს მომავალში ჩავა. 

ამასთან, ზელენსკის თქმით, სირსკის ანგარიშები, მათ შორის, დონეცკის ოლქში მიმდინარე სამხედრო ოპერაციებს შეეხო. მანვე აღნიშნა, რომ უკრაინა სამხედრო ქმედებებს კურსკისა და ბელგოროდის ოლქებში აგრძელებს.

"დღეს მთავარსარდალმა რამდენიმე ანგარიში წარადგინა. განსაკუთრებული ყურადღება - დონეცკის ოლქში მიმდინარე ვითარებაზე, კერძოდ, პოკროვსკის მიმართულებით, სხვა რამდენიმე მიმართულებით. განვაგრძობთ როგორც კურსკის, ისევე ბელგოროდის ოლქების ტერიტორიაზე მოქმედებას". - თქვა ზელენსკიმ. 

ავტორი: ექსპრესნიუსი,

სოციალური ქსელები

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში