„ქვეყანაში ფინანსური სტაბილურობა უზრუნველყოფილი იქნება, ეს გაცილებით უფრო მძიმე შოკის დროსაც  დაკვიმტკიცებია“, – ამის შესახებ ეროვნული ბანკის პრეზიდენტმა გიორგი ქადაგიძემ გამართულ ბრიფინგზე განაცხადა.
მისივე თქმით,  ეროვნული ბანკი ქვეყანაში ფინანსური სტაბილურობის უზრუნველყოფის მიზნით თანმიმდევრულად იმუშავებს.
„არ ვიცი, გუშინ გავრცელებული განცხადების მოტივი რა იყო, რას უკავშირდებოდა, მაგრამ, მე ერთი რამ შემიძლია ვთქვა, ჩვენ ვაგრძელებდით მუშაობას ისე, როგორც ვმუშაობდით მანამდე, ვიქნებით ძალიან თანმიმდევრულები, გავაკეთებთ ყველაფერს, რომ ამ ქვეყანაში ფინანსური სტაბილურობა ვუზრუნველყოთ. ამ ქვეყანაში ფინანსური სტაბილურობა უზრუნველყოფილი იქნება, ჩვენ ეს არაერთხელ დაგვიმტკიცებია, გაცილებით უფრო მძიმე შოკის დროს“, – აღნიშნა ქადაგიძემ.  
ცნობისთვის, გუშინ საქართველოს ყოფილმა პრემიერ–მინისტრმა ბიძინა ივანიშვილმა განცხადება გაავრცელა, სადაც ეროვნული ვალუტის კრიზისამდე მიყვანაში გიორგი ქადაგიძე დაადანაშაულა.  
„„ნაციონალური მოძრაობის“ მიერ დანიშნულმა ეროვნული ბანკის პრეზიდენტმა გიორგი ქადაგიძემ თავისი უმოქმედობითა და არასწორი ქმედებებით მიგვიყვანა ეროვნული ვალუტის კრიზისამდე. ვალუტის კურსის ნახტომისებური ცვლილების თავიდან აცილების მიზნით რეგიონის სხვა ქვეყნების ცენტრალურმა ბანკებმა რეზერვების მნიშვნელოვანი ნაწილი გაიღეს (სომხეთი - 34%, მოლდოვა - 30%), რამაც დღეისთვის მათი ვალუტების სტაბილურობის ტენდენცია განაპირობა. საქართველოს ეროვნულმა ბანკმა კი ოფიციალური რეზერვების მხოლოდ 5%-მდე (120მლნ. დოლარი) დახარჯა, რაც შედეგს ვერ გამოიღებდა და ვერც გამოიღო.  ეროვნულ ბანკს აქვს შესაბამისი ბერკეტი, რომ უზრუნველყოს მცურავი კურსის პირობებში ეროვნული ვალუტის დასტაბილურება. ყველა ობიექტური ფაქტორის გათვალისწინები, დღეს ლარის გაცვლითი კურსი არ უნდა აღემატებოდეს 2.0 ლარს და მოვუწოდებ ეროვნული ბანკის პრეზიდენტს შეასრულოს კონსტიტუციური მოვალეობა და გადადგას ადეკვატური ნაბიჯები“, – ნათქვამია ივანიშვილის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია