შინაგან საქმეთა სამინისტროს ქვემო ქართლის სამხარეო მთავარი სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო ღონისძიებების შედეგად, 1938 წელს დაბადებული ნარიმან მ. განზრახ მკვლელობის ფაქტზე ამხილეს.

უწყების ინფორმაციით, გამოძიებამ დაადგინა, რომ მხილებულმა ბოლნისის რაიონის სოფელ ფარიზში, ღამით, ეჭვიანობის ნიადაგზე, საკუთარ სახლში, მეუღლე - 1951 წელს დაბადებული სამარგანდ მ. საკუთარი ორლულიანი სანადირო თოფიდან ერთი გასროლით მუცლის არეში სასიკვდილოდ დაჭრა. სამარგანდ მ. მიყენებული ჭრილობის შედეგად ადგილზე გარდაიცვალა.

„მეუღლის გარდაცვალების შემდეგ, მხილებულმა დანაშაულის ჩადენის იარაღით გულმკერდის არეში თვითდაზიანება მიიყენა. დაჭრილი ნარიმან მ. მარნეულის საავადმყოფოში გადაიყვანეს. მას სასწრაფო ოპერაცია ჩაუტარდა. ამჟამად მისი ჯანმრთელობის მდგომარეობა მძიმეა.

სამართალდამცველებმა დანაშაულის ჩადენის იარაღი - ორლულიანი სანადირო თოფი შემთხვევის ადგილიდან ნივთმტკიცებად ამოიღეს“, - ნათქვამია შსს-ს განცხადებაში.

გამოძიება განზრახ მკვლელობის ფაქტზე, საქართველოს სსკ-ს 11- პრიმა 108-ე მუხლით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს