აჭარის ა.რ მთავრობის დელეგაცია ყაზახეთის რეპუბლიკაში სამუშაო ვიზიტს აგრძელებს.

დღეს, მთავრობის თავმჯდომარის ხელმძღვანელობით ყაზახეთის სამთავრობო და კერძო სტრუქტურების წარმომადგენლებთან რამდენიმე შეხვედრა გაიმართა, მათ შორის ყაზახეთის ეროვნული პალატისა და საგარეო სავაჭრო პალატის წარმომადგენლებს შორის.

ყაზახეთის ეროვნულ პალატაში გამართულ შეხვედრას აჭარის ა.რ. მთავრობის თავმჯდომარესთან ერთად აჭარის სოფლის მეურნეობის მინისტრი ლაშა კომახიძე, განათლების, კულტურისა და სპორტის მინისტრი ინგა შამილიშვილი, აჭარის ტურიზმისა და კურორტების დეპარტამენტის თავმჯდომარე სულხან ღლონტი ესწრებოდნენ.

შეხვედრაზე თანამშრომლობის ერთ-ერთი მნიშვნელოვანი საკითხი იყო ბათუმი-ასტანის მიმართულებით არსებული ჩარტერული და რეგულარული სეზონური ავიაფრენები. მხარეებმა განიხილეს უახლოეს პერიოდში დამატებითი ფრენების შემოღების შესაძლებლობები. ყაზახურ მხარესთან მზაობა და თანხმობა აღნიშნული საკითხისადმი მიღწეულია. კიდევ ერთი გადაწყვეტილება, რომელიც შეხვედრაზე იქნა მიღებული, დაინტერესებული ბიზნესმენების საქართველოში, კერძოდ, აჭარაში ვიზიტს უკავშირდება.

აჭარის ა.რ მთავრობის თავმჯდომარის ზურაბ პატარაძის განცხადებით, აჭარის მთავრობა მზად არის უმასპინძლოს ყაზახ ბიზნესმენებს და საინფორმაციო ტურის ფარგლებში ადგილზე გააცნოს რეგიონის ტურისტული და საინვესტიციო გარემო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი