პრეზიდენტ გიორგი მარგველაშვილის განცხადებით, საქართველო -ისრაელს შორის დიპლომატიურ ურთიერთობას  25 წელი უსრულდება.

მან ისრაელის პრეზიდენტთან ერთად გამართულ პრესკონფერენციაზე,  ისრაელის სახელმწიფოს საქართველოს ტერიტორიული მთლიანობისა და სუვერენიტეტის  განუხრელი  მხარდაჭერისთვის მადლობა გადაუხადა.

მარგველაშვილის თქმით, ისრაელის პრეზიდენტის ვიზიტი  ორ ქვეყანას შორის ისტორიულ თანამშრომლობას კიდევ  უფრო მნიშვნელოვან იმპულსს შესძენს:

„ჩვენს ერებს შორის მეგობრობა 26 საუკენს ითვლის. ქვეყნებს შორის დიპლომატიური ურთიერთობა  25 წლის შესრულდება წელს და კიდევ ერთხელ მინდა მადლობა ვუთხრა ისრაელის სახელმწიფოს  საქართველოს ტერიტორიული მთლიანობისა და სუვერენიტეტის  განუხრელი მხარდაჭერისთვის.  მთელი ჩვენი სახელმწიფოებრიობის ამ 25 წლის განმავლობაში ჩვენს გვერდით იდგნენ ჩვენი ებრაელი მეგობრები.

ჩვენ დღეს ვისაუბრეთ იმ პოტენციალის  შესახებ, რომელიც ამ ძალიან კარგი ურთიერთობების ფონზე ეფექტურად ხორციელდება საქართველოსა და  ისრაელს შორის.  ჩვენ გვაქვს სახელმწიფოებრივი  და სამთავრობო ყველა ფორმატი იმისათვის, რომ გავაღრმაოთ ჩვენი ურთიერთობები. გვაქვს ძალიან  მტკიცე მხარდაჭერა ჩვენი საზოგადოებისგან ამ ურთიერთობების  გასაღმრავებლად, გვაქვს  მზარდი შესაძლებლობებიც ტურიზმთან მიმართებაშიც და დღეს ჩვენ ვისაუბრეთ იმ ახალი ნაბიჯების შესახებ,  რომლებიც შესაძლოა ბიზნემსმენთა უფრო აქტიური დაახლოებისაკენ  და აქტიური საინვესტიციო  პოლიტიკის განხორციელებისკენ გადაიდგას საქართველოსა და ისრაელს შორის. მადლობა მინდა ვუთხრა ისრაელის პრეზიდენტს და ქალბატონ პირველ ლედის საქართველოს სტუმრობისთვის. დარწმუნებული ვარ,  თქვენი ვიზიტი, ბატონო პრეზიდენტო,  კიდევ უფრო მნიშვნელოვან იმპულსს შესძენს ამ ისტორიულ თანამშრომლობას ჩვენს ქვეყნებს შორის“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება