“თუ ეს სიმართლეა, ეს არის საშინელება”, – ასე გამოეხმაურა ეუთოს თავმჯდომარე, ფინეთის საგარეო საქმეთა მინისტრი, ელინა ვალტონენი BBC-ის ჟურნალისტურ გამოძიებას საქართველოზე.

ვალტონენმა ამ საკითხზე კომენტარი გააკეთა ვენაში გამართულ პრესკონფერენციაზე, სადაც მას შეკითხვა ქართველმა ჟურნალისტმა დავით კიკალიშვილმა დაუსვა.

“რა თქმა უნდა, ქიმიური იარაღის შესაძლო გამოყენება განსაკუთრებით მშვიდობიანი მომიტინგეების წინააღმდეგ… თუ ეს სიმართლეა, ეს არის საშინელება და ისეთი რამ რასაც არამხოლოდ ეუთო, არამედ მთელი საერთაშორისო საზოგადოება დაგმობს ძლიერი სიტყვებით. მივადევნოთ ამას თვალი”, – განაცხადა ვალტონენმა და გაიხსენა თავისი ვიზიტი თბილისში. მან განაცხადა, რომ თვალს ადევნებს საქართველოში მიმდინარე პროცესებსა და მზარდ რეპრესიებს სამოქალაქო საზოგადოების წინააღმდეგ.

პირველ დეკემბერს BBC-მ გამოაქვეყნა ჟურნალისტური გამოძიება, რომლის მიხედვითაც, გასულ წელს ანტისამთავრობო აქციებზე მომიტინგეების წინააღმდეგ, სავარაუდოდ, პირველი მსოფლიო ომის დროინდელი ქიმიური იარაღი გამოიყენეს.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება