შაბათს, 14 ივნისს, აშშ-ის პრეზიდენტმა დონალდ ტრამპმა ტელეფონით ისაუბრა რუსეთის პრეზიდენტ ვლადიმერ პუტინთან. ამერიკელი ლიდერის თქმით, მათ, კერძოდ, ახლო აღმოსავლეთში არსებული ვითარება განიხილეს.

„პრეზიდენტმა პუტინმა დღეს დილით დამირეკა, რათა ძალიან თბილად მომილოცოს დაბადების დღე, მაგრამ უფრო მნიშვნელოვანი ის იყო, რომ ირანზე, ქვეყანაზე ესაუბრა, რომელსაც ის ძალიან კარგად იცნობს. ჩვენ დიდხანს ვისაუბრეთ. გაცილებით ნაკლები დრო დავუთმეთ რუსეთ/უკრაინაზე საუბარს, მაგრამ ეს მომავალ კვირას მოხდება. ის პატიმრების გაცვლის დაგეგმილ პროცესშია - ორივე მხრიდან დაუყოვნებლივ ხდება პატიმრების დიდი რაოდენობის გაცვლა“, - დაწერა თეთრი სახლის ხელმძღვანელმა Truth Social-ზე.

ტრამპმა დასძინა, რომ პუტინთან საუბარი დაახლოებით ერთ საათს გაგრძელდა.

„ის, ისევე როგორც მე, თვლის, რომ ისრაელსა და ირანს შორის ეს ომი უნდა დასრულდეს, რაზეც მე ავუხსენი, რომ მისი ომიც უნდა დასრულდეს“, - დაასკვნა ამერიკის პრეზიდენტმა.
14 ივნისს, აშშ-ის პრეზიდენტი დონალდ ტრამპი დაბადების დღეს აღნიშნავს. ამ შემთხვევაში, რუსეთის მმართველმა ვლადიმერ პუტინმა თეთრი სახლის ხელმძღვანელს დაურეკა.

როგორც პუტინის თანაშემწემ, იური უშაკოვმა განაცხადა, რუსეთის ფედერაციისა და აშშ-ის ლიდერებმა ახლო აღმოსავლეთში არსებულ ვითარებასა და უკრაინაში მიმდინარე ომზე ისაუბრეს. დიქტატორმა დაგმო ისრაელის სამხედრო ოპერაცია ირანის წინააღმდეგ. ამავდროულად, პუტინმა რუსეთს ისრაელსა და ირანს შორის შუამავლის როლის შესრულება შესთავაზა.

რაც შეეხება რუსეთის ომს უკრაინის წინააღმდეგ, უშაკოვის თქმით, რუსეთის მმართველმა დაარწმუნა ტრამპი მოსკოვის მზადყოფნაში, გააგრძელოს „მოლაპარაკებები“ უკრაინასთან 22 ივნისის შემდეგ.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა