„თამაზ სუხიაშვილი უკრაინაში საქართველოს თავისუფლებისთვის წავიდა და საერთო მტერს ებრძოდა“, – ამის შესახებ „ნაციონალური მოძრაობის“ წევრმა გია ბარამიძემ ჟურნალისტებს განუცხადა. 

მისივე თქმით, სუხიაშვილი უკრაინისა და საქართველოს საერთო მტრის, რუსეთის წინააღმდეგ იბრძოდა. 

„დღეს ჩვენ კიდევ ერთ გმირს ვაცილებთ და  პატივს მივაგებთ. იგი იბრძოდა უკრაინაში. უკრაინა კი,  ჩვენი მეგობარი ქვეყანაა და  ჩვენს საერთო მტერს ებრძვის, ამიტომ, თამაზ სუხიაშვილი  უკრაინაში საქართველოს თავისუფლებისთვის მიდიოდა და იბრძოდა იმისთვის, რომ  ჩვენი და უკრაინის საერთო მტერმა ვერ შეძლოს საქართველოსა და უკრაინის დამონება. მე დარწმუნებული ვარ, მისი გმირობა უკვდავყოფილი იქნება საქართველოს ისტორიაში და მომავალი თაობები მას პატივს მიაგებენ, თაობები მისი გმირობის მაგალითზე გაიზრდებიან.  მე მჯერა, რომ საქართველოში არის ის საზოგადოება, რომელიც შესაბამისად დააფასებს თამაზ სუხიაშვილის  გმირობას“, – აღნიშნა ბარამიძემ. 

ცნობისთვის, თამაზ სუხიაშვილი დონეცკის აეროპორტზე შეტევისას დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა