ქართული ოცნების პარლამენტის თავმჯდომარე შალვა პაპუაშვილი მოლდოვის საპარლამენტო დელეგაციას - ყოფილ პრეზიდენტ იგორ დოდონსა და პრორუს ოპოზიციის წარმომადგენლებს შეხვდა.

პრესსამსახურის ცნობით, "შეხვედრაზე აღინიშნა, რომ კომპლექსურ გეოპოლიტიკურ რეალობაში მნიშვნელოვანია საქართველოსა და მოლდოვას შორის დიალოგი და ურთიერთმხარდაჭერა".

"მოლდოვურმა მხარემ განაცხადა, რომ საქართველოს ხელისუფლება ტურბულენტურ და დაძაბულ საერთაშორისო ვითარებაში, წლების განმავლობაში, ახორციელებს პოლიტიკას, რომელიც ქვეყნის ეროვნული ინტერესებისა და ღირებულებების დაცვისკენაა მიმართული.

მხარეებმა ხაზი გაუსვეს ხალხთაშორისი კონტაქტების განვითარების მნიშვნელობას, მათ შორის, ტურიზმის სექტორში, რასაც ორ ქვეყანას შორის პირდაპირი ფრენებიც უწყობს ხელს.

შალვა პაპუაშვილმა ისაუბრა პარლამენტის საკანონმდებლო საქმიანობასა და მიღწეულ შედეგებზე. მან მოლდოვურ მხარესთან დიალოგის გაგრძელების მზაობა დაადასტურა", - ვკითხულობთ პრესსამსახურის მიერ გავრცელებულ ინფორმაციაში.

გუშინ, 2 აპრილს ცნობილი გახდა, რომ მოლდოვის ყოფილი პრეზიდენტი, იგორ დოდონი, ოპოზიციონერ დეპუტატებთან ერთად თბილისში იმყოფება.

იგორ დოდონი მოლდოვის პრეზიდენტის პოსტს 2016–2020 წლებში იკავებდა და ხშირად გამოირჩევა პრორუსული პოზიციებით. თბილისში ჩამოსვლამდე იგი მოსკოვში იმყოფებოდა.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება