ნიკოლოზ უგრეხელიძე კარიერას თურქეთის სუპერლიგის კლუბ კარაგუმრუკში გააგრძელებს. ეს ინფორმაცია ქართულმა კლუბმა ოფიციალურად დაადასტურა.

დინამო თბილისის კაპიტანი ნიკოლოზ უგრეხელიძე კარიერას თურქულ კლუბ კარაგუმრუკში გააგრძელებს. მხარეები შეთანხმდნენ იჯარის ხელშეკრულებაზე ერთი წლის ვადით. თურქულ გუნდს ფეხბურთელის გამოსყიდვის უფლება აქვს. „წარმატებებს გისურვებ, ნიკა“, - ნათქვამია თბილისური კლუბის განცხადებაში.

21 წლის მცველი თბილისის დინამოს აკადემიის კურსდამთავრებულია. ის ძირითად გუნდში 2022 წელს დაწინაურდა, ხოლო ეროვნულ ლიგაში დებიუტი 2023 წელს შეასრულა. მან საქართველოს ყველა ასაკობრივ ნაკრებში ითამაშა.

უგრეხელიძემ 21-წლამდელთა ნაკრებში ყველა საკვალიფიკაციო მატჩი ჩაატარა, თუმცა ტრავმის გამო რამაზ სვანაძის გუნდს ევრო 2025-ის ფინალურ ეტაპზე ვერ დაეხმარა.

21 წლის ნიჭიერი ქართველი მცველი Transfermarkt-ზე 350 000 ევროდ არის შეფასებული.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება