უნგრეთში ქართული კულტურის, ღვინისა და გასტრონომიის პოპულარიზაცია მიმდინარეობს - "ბუდაპეშტის 33-ე ღვინის საერთაშორისო ფესტივალზე" საქართველო საპატიო სტუმრის სტატუსითაა წარმოდგენილი. ამის შესახებ ინფორმაციას აჭარის ტურიზმისა და კურორტების დეპარტამენტი ავრცელებს.

დეპარტამენტის ცნობით, ოთხი დღის განმავლობაში, ფესტივალის ათასობით ვიზიტორს საშუალება ჰქონდა, საქართველოს კუთხესთან ქართული ღვინო, კერძები დაეგემოვნებინათ, ცნობილი სომელიე ატილა პეტზოლდის ღვინის მასტერკლასებსა და ქართულ მუსიკალურ პროგრამას დასწრებოდნენ, ასევე ინფორმაცია მიეღოთ საქართველოს ტურისტული პოტენციალის შესახებ და გაცნობოდნენ აჭარის საპრომოციო მასალებს.

"სტუმრების წინაშე ქართულ მუსიკალური პროგრამა  ბათუმის კულტურის ცენტრის ქართული ნაციონალური ცეკვის სახელმწიფო აკადემიურმა ანსამბლმა "ბათუმი", კვარტეტმა "ბათუმი" და ბენდმა "ოუშენ დრაივი" წარმოადგინეს.

საქართველო "ბუდაპეშტის 33-ე ღვინის საერთაშორისო ფესტივალზე" უნგრეთში საქართველოს საელჩოს, აჭარის ტურიზმის დეპარტამენტის ორგანიზებით, ბათუმის მერიის კულტურის ცენტრის, აჭარის განათლების სამონისტროსა და ღვინის ეროვნული სააგენტოს ორგანიზებითა და მხარდაჭერით იყო წარმოდგენილი.

ფესტივალი უნგრეთის დედაქალაქში, ბუდას ისტორიული ციხესიმაგრის ტერიტორიაზე 12 სექტემბერს გაიხსნა და და დღეს დასრულდება. მას  ყოველწლიურად 40 000-მდე ვიზიტორი ესწრება",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება