ყოფილი კალათბურთელი ზაზა ფაჩულია რაჭაში სადმელი ჰესს ააშენებს. ინფორმაცია თავდაპირველად BM.GE-მ ივანიშვილის მთავრობის 661-ე განკარგულებაზე დაყრდნობით გაავრცელა. 

განკარგულება 31 მარტით თარიღდება და მას ხელს ივანიშვილის წარმომადგენელი, ირაკლი კობახიძე აწერს. განკარგულების თანახმად, ზაზა ფაჩულიას კომპანიას შპს სადმელი ჰესს 49 წლით აღნაგობის უფლებით გადაეცემა ამბროლაურის მუნიციპალიტეტში მდებარე  29 007 კვ.მ.მიწის ნაკვეთი, წლიურ სარგებლობაში გადაცემის საფასური კი 18 973 ლარია. 

განკარგულებაში ქონების გადაცემის პირობად მითითებულია სადმელი ჰესის აშენება და ექსპლუატაციაში მიღება საქართველოს მთავრობის, სს ელექტროენერგეტიკული სისტემის კომერციულ ოპერატორსა და შპს სადმელი ჰესს შორის 2025 წლის 24 დეკემბერს გაფორმებული ხელშეკრულების შესაბამისად. 

განკარგულებაში მითითებული არაა პროექტის განხორციელების ვადები, საინვესტიციო ღირებულება და ჰესის სიმძლავრე.

სამეწარმეო რეესტრის მონაცემების თანახმად, შპს სადმელი ჰესი 2023 წლის 27 თებერვალს რეგისტრირებული კომპანიაა. კომპანიის 100%-იანი წილი ნათია ლოლაძემ 2025 წლის ივნისში ზაზა ფაჩულიას 450 000 დოლარად მიჰყიდა. 

ავტორი: ექსპრესნიუსი,

სოციალური ქსელები

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal