მეოთხე მექანიზირებული ბრიგადის ნორიოს ბაზაზე აღმოსავლეთ სარდლობის ქვედანაყოფთა სერჟანტების გეგმიური შეკრება მიმდინარეობს.

თავდაცვის სამინისტროს ინფორმაციით, დღეს, ნორიოს ბაზას გენერალური შტაბის უფროსის მოადგილე, ბრიგადის გენერალი ვლადიმერ ჩაჩიბაია და სახმელეთო ჯარების აღმოსავლეთ სარდლობის მეთაური, პოლკოვნიკი ალექსანდრე კიკნაძე ესტუმრნენ. მათ სერჟანტებს ომების სახეობებისა და გეოპოლიტიკური ვითარების შესახებ ლექცია ჩაუტარეს.

ერთი კვირის განმავლობაში სამხედრო მოსამსახურეები საფუძვლიან სამეთაურო მომზადებას გაივლიან. კურსის განმავლობაში ტაქტიკური და საცეცხლე სწავლებებიც განხორციელდება. სწავლება 25 კილომეტრიანი მარშით და საბრძოლო სროლებით დასრულდება. სერჟანტების მომზადებას აღმოსავლეთ სარდლობის სერჟანტი, მთავარი სერჟანტი მანუჩარ დავითური ხელმძღვანელობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა