ოპოზიციური პარტია „ახალი“-ს ერთ-ერთი ლიდერი, ნიკა გვარამია, ე.წ „საბოტაჟის“ საქმეზე 30 000 ლარის  გირაოს სანაცვლოდ გაათავისუფლეს.

გადაწყვეტილება დახურულ სხდომაზე მიიღო თბილისის საქალაქო სასამართლოს მოსამართლე თამარ მახარაბლიძემ.

გვარამიას ასევე ეკრძალება საქართველოს საზღვრის გადაკვეთა საგამოძიებო ორგანოს ინფორმირების გარეშე; მისი პასპორტი ჩამოერთვა.

შეგახსენებთ, რომ 2025 წლის 6 ნოემბერს, საქართველოს გენერალურმა პროკურატურამ სისხლის სამართლის საქმე აღძრა სხვადასხვა ოპოზიციური პარტიის ლიდერების: მიხეილ სააკაშვილის, გიორგი ვაშაძის, ნიკა გვარამიას, ნიკა მელიას, ზურაბ ჯაფარიძის, ელენე ხოშტარიას, მამუკა ხაზარაძის და ბადრი ჯაფარიძის წინააღმდეგ.

გიორგი ვაშაძეს და ზურაბ გირჩი ჯაფარიძეს ბრალი წაუყენეს სისხლის სამართლის კოდექსის 318-ე მუხლის პირველი ნაწილით და 319-ე მუხლით (საბოტაჟი და უცხო სახელმწიფოსთვის მტრულ საქმიანობაში დახმარება), რაც 7-დან 15 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება