სასტუმრო Radisson Blu Iveria-ში  პრემიერ-მინისტრის ინიციატივით შექმნილი საქართველოს სოლიდარობის ფონდის 2014 წლის საქმიანობის შემაჯამებელი ანგარიშის პრეზენტაცია მიმდინარეობს. დღესვე  ფონდის მხარდამჭერი ორგანიზაციების სიმბოლური დაჯილდოების ღონისძიებაც გაიმართება.   

ამოქმედებიდან დღემდე, სოლიდარობის ფონდის საქმიანობას 240-ზე მეტი საჯარო უწყების 40,000-ზე მეტი თანამშრომელი შეუერთდა. ამასთანავე ფონდმა უკვე გააფორმა თანამშრომლობითი მემორანდუმები 14 კერძო კომპანიასთან, რომლის ფარგლებშიც მიკრო-ფილანტროპიის, ანუ მცირე ქველმოქმედების საშუალებით ფონდში ხდება რეგულარულად დონაციების მობილიზება.
არსებული დახმარებით, ფონდში საერთო ჯამში 1,701,000 ლარის მობილიზება მოხდა და 1,198,000 ლარით დამტკიცდა 58 ბავშვისა და ახალგაზრდის დიაგნოსტიკისა და მკურნალობის ხარჯები. ფონდის დაფინანსებით 18 ბავშვი უკვე გაემგზავრა ან გეგმავს საზღვარგარეთ სამკურნალოდ გამგზავრებას, მათ შორის განსაკუთრებით ძვირადღირებული ძვლის ტვინის ტრანსპლანტაციის ჩასატარებლად. 
დღევანდელ შეხვედრაზე სოლიდარობის ფონდი 260-ზე მეტი საჯარო უწყებისა და კერძო კომპანიის მონაწილეობას აღნიშნავს და მათ შორის 40 ორგანიზაციას განსაკუთრებული წვლილისთვის გადასცემს სიმბოლურ „სოლიდარობის ჯილდოს.“

   „სოლიდარობის ჯილდო“ გადაეცემა 24 საჯარო უწყებას - როგორც ცენტრალურ სამინისტროებს, ასევე ცალკეულ სამსახურებს, რწმუნებულის აპარატებს, მუნიციპალიტეტებს, ეროვნულ კომისიებსა და საბჭოებს, რომელთა თანამშრომლები სრული (100%) შემადგენლობით მონაწილეობენ სოლიდარობის ფონდის საქმიანობაში, ან ყოველთვიურად ყველაზე მოცულობით ან საშუალოდ ყველაზე მაღალ დონაციებს უზრუნველყოფენ.

  „სოლიდარობის ჯილდო“ სხვადასხვა რეიტინგული პარამეტრებით გადაეცემა 16 კერძო კომპანიასა და არასამთავრობო ორგანიზაციას, რომელიც ფონდის ამოქმედების პირველივე წელს შემოუერთდნენ ეროვნული სოლიდარობის წამოწყებას ან მჭიდროდ თანამშრომლობენ სოლიდარობის ფონდთან ონკოლოგიის სფეროში.

 ღონისძიებაზე ასევე მოხდება მადლობის სერთიფიკატების გადაცემა 43 საჯარო უწყებისა   და სოლიდარობის ფონდის მუდმივმოქმედი კომისიის წევრებისა და „დამკვირვებლებისათვის“ 2014 წელს გაწეული მნიშვნელოვანი მხარდაჭერისათვის.

 დღესვე გაიმართება „სოლიდარობის ფონდის“ ვებ-გვერდის პრეზენტაცია, რომელიც საშუალებას მისცემს როგორც საქართველოში, ასევე საზღვარგარეთ მცხოვრებ თანამემამულეებს, რომ სურვილის შემთხვევაში ონლაინ გადარიცხვებით დაეხმარნონ ფონდში შემოსული განცხადებების მიხედვით კონკრეტულ ბავშვებს, ახალგაზრდებსა და მათ ოჯახებს.

სოლიდარობის ფონდი საზოგადოებას საქმიანობის ანგარიშს მუდმივად წარუდგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი