2015-02-28 02:14:47, 1154 ნახვა
მსოფლიო
ბორის ნემცოვი სეირნობისას ექვსი გასროლით მოკლეს
რუსი პოლიტიკოსი და ოპოზიციი ერთ-ერთი ლიდერი ბორის ნემცოვი, მოსკოვის ცენტრში ვასილევსკის დაღმართზე ექვსი გასროლით მოკლეს. სააგენტო "ტასის" ცნობით, უცნობებმა ნემცოვს ცეცხლი ავტომობილიდან გაუხსნეს და მიიმალნენ.
სააგენტო "მოსკოვი" იუწყება, რომ ბორის ნემცოვი მარტო არ იმყოფებოდა და მასთან იყო უცნობი გოგონაც. გამოძიების ინფორმაციით, იგი დაკითხვაზეა გადაყვანილი.
სააგენტოები უკვე ავრცელებენ, სავარაუდო თვითმხილველის ნაამბობს, რომელიც ამტკიცებს, რომ ნემცოვი მშვიდად მოსეირნობდა, რა დროსაც დიდი სისწრაფით მომავალი ავტომობილი ახლოს გაჩერდა, იქედან გამოვიდა რამდენიმე პირი ოპოზიციონერს ესროლა და მკვლელები ავტომობილით ადგილიდან მიიმალნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
