26 მარტის ღამეს, დრონებმა თავს დაესხნენ რუსეთის ლენინგრადის ოლქს, სადაც მდებარეობს კირიშინეფტეორგსინტეზის ნავთობგადამამუშავებელი ქარხანა.

ამის შესახებ რამდენიმე რუსულმა წყარომ განაცხადა, მათ შორის არიან, ლენინგრადის ოლქის გუბერნატორი ალექსანდრე დროზდენკო, ტელეგრამარხები Astra, Exilenova+, რუსეთის თავდაცვის სამინისტრო

 „ლენინგრადის ოლქში 20-ზე მეტი დრონი განადგურდა. შეტევა კვლავ მოგერიებულია კირიშის რაიონში. ზიანი მიადგა ინდუსტრიულ ზონას. წინასწარი ინფორმაციით, მსხვერპლი არ არის“. -თქვა გუბერნატორმა

 როგორც Astra იუწყება ადგილობრივ მოსახლეობაზე დაყრდნობით, დრონებმა თავს დაესხნენ KINEF-ს, რუსეთის ერთ-ერთ უდიდეს ნავთობგადამამუშავებელ ქარხანას.

ის აწარმოებს ბენზინს, დიზელის საწვავს, ნავთს, მაზუთს და ნავთობქიმიურ პროდუქტებს.

რუსეთის თავდაცვის სამინისტროს ცნობით, ღამით რუსეთის რეგიონების თავზე სულ 125 უკრაინული დრონი ჩამოაგდეს.

KINEF-ის ნავთობგადამამუშავებელ ქარხანაზე თავდასხმა 2026 წლის 8 მარტს განხორციელდა. იმ დროს, ლენინგრადის ოლქის გუბერნატორმა განაცხადა, რომ ჩამოვარდნილმა ნამსხვრევებმა ნავთობგადამამუშავებელი ქარხნის ერთ-ერთი ავზის გარე სტრუქტურა დააზიანა.
ასევე, 25 მარტის ღამეს, რუსეთის ფედერაციის ლენინგრადის ოლქი მასიური დრონებით თავდასხმის ობიექტი გახდა, რამაც უსტ-ლუგას პორტში ხანძარი გამოიწვია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი