ზუგდიდის მუნიციპალიტეტის გამგებელი ედიშერ თოლორაია დღეს, გამგეობაში ადმინისტრაციულ ერთეულებში თავის წარმომადგენლებს და სტრუქტურული ერთეულის ხელმძღვანელებს შეხვდა.

მუნიციპალიტეტის გამგებელმა რწმუნებულებისგან მიმდინარე წელს განხორციელებული სამუშაოების შესახებ ანგარიში მოისმინა, რა ეტაპზეა, როგორ მიმდინარეობს და რა საჭიროებებია კონკრეტულ სოფელში.

რწმუნებულებმა სოფლის მხარდაჭერის პროგრამის ფარგლებში განხორციელებული და დაგეგმილი პროექტების შესახებ მოკლე მოხსენებები გააკეთეს. მიმდინარე წელს ზემოთხსენებული პროგრამის ფარგლებში შემდეგი ინფრასტრუქტურული პროექტები განხორციელდა: საკანალიზაციო მილების სარეაბილიტაციო სამუშაოები, საბავშვო ბაღების კეთილმოწყობა და აღდგენითი სამუშაოები, მინი საფეხბურთო სტადიონების,სანიაღვრე არხებისა და მოსაცდელების მოწყობა, გამრიცხველიანება, საავტომობილო გზების მოასფალტება – მოხრეშვა, ხიდ–ბოგირების რეაბილიტაცია, ბიბლიოთეკების მოწყობა, გარეგანათების დამონტაჟება, ადმინისტრაციული ცენტრების კეთილმოწყობა და სხვ.

ახალაბასთუმანის რწმუნებულმა მზია მითაგვარიამ საბავშვო ბაღში არსებულ პრობლემაზე ისაუბრა. მისივე ინფორმაციით ბაღში, სადაც 35 აღსაზრდელი ირიცხება საძინებელი ოთახი არ არსებობს.

მუნიციპალიტეტის გამგებელმა ედიშერ თოლორაიამ, ააიპ სკოლამდელ სააღმზრდელო დაწესებულებათა დირექტორს ციცანა თოლორაიას აღნიშნულზე პროექტის შედგენა და ზუსტი ხარჯთაღიცხვის წარდგენა დღესვე მოსთხოვა, რათა ახალაბასთუმნის საბავშვო ბაღისთვის უახლოეს დღეებში საჭირო რაოდენობის ლოგინი იქნეს შეძენილი.

ედიშერ თოლორაიას განცხადებით, მიმდინარე წელს სოფლის მხარდაჭერის პროგრამის ფარგლებში 19 საბავშვო ბაღს ჩაუტარდა სარეაბილიტაციო სამუშაოები.

„ამ კუთხით მუშაობა მომავალ წელსაც გაგრძელდება, რადგან ჩვენი მიზანია აღმოვფხვრათ სააღმზრდელო დაწესებულებებში არსებული ყველა პრობლემა. მთავარია, ბავშვები მათთვის კომფორტულ გარემოში გაიზარდონ“, – განაცხადა ედიშერ თოლორაიამ.

მუნიციპალიტეტის გამგებელმა თითოეულ ადმინისტრაციულ ერთეულში განხორციელებული პროექტების ხარისხიანობაზე პასუხისმგებლობა რწმუნებულებს დააკისრა. და კიდევ ერთხელ მოუწოდა, მაქსიმალურად ჩაერთონ პროექტების განხორციელების პროცესში.

მუნიციპალიტეტის გამგეობაში მსგავსი ფორმატის შეხვედრები ყოველკვირეულად იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული