12 აპრილის დილით უნგრეთის საპარლამენტო არჩევნებში ხმის მიცემა დაიწყო; პრემიერ-მინისტრი ვიქტორ ორბანი „ტრიუმფალურ დღეს“ ელის.

ამის შესახებ Telex-ი იტყობინება.

საარჩევნო უბნები ქვეყნის მასშტაბით 10 000-ზე მეტ ადგილას დილის 6:00 საათზე გაიხსნა და დაახლოებით 7,5 მილიონი ამომრჩეველი აპირებს ხმის მიცემას საღამოს 7:00 საათზე დახურვამდე.

არჩევნების დაწყებიდან 1 საათში აქტივობა უკვე თითქმის ორჯერ მეტია 2022 წლის არჩევნებთან შედარებით (დილის 07:00 საათის მონაცემებით). ის ასევე მნიშვნელოვნად აღემატება წინა რეკორდსმენს - 2002 წლის საპარლამენტო არჩევნების მეორე ტურს (იმ დროს არჩევნები ორტურიანი იყო).

კვირას დილით გამოქვეყნდა ორბანის ინტერვიუ, რომელშიც მან იმედი გამოთქვა, რომ 12 აპრილი Fidesz-ისთვის „ტრიუმფალური დღე“ იქნებოდა.

ორბანის Fidesz-ის პარტიამ და ოპოზიციურმა Tisza-ს პარტიამ წინასაარჩევნო მიტინგები გამართეს.

დებრეცენის უნივერსიტეტის მოედანი ოპოზიციის ლიდერის, პეტერ მადიარის გამოსვლისას გადაჭედილი იყო. მან განაცხადა, რომ 12 აპრილს მილიონობით ადამიანი დაადასტურებდა, რომ ქვეყნის ადგილი ევროპაში იყო, არის და დარჩება.

მან დაჰპირდა მილიარდერებზე სიმდიდრის გადასახადის შემოღებას, საიდუმლო აგენტების ფაილების გახსნას და რუსეთის გავლენის გამოძიებას, ასევე საგარეო საქმეთა მინისტრ პეტერ სიიარტოს წინააღმდეგ გამოძიების დაწყებას.

ბუდაპეშტში „ფიდესის“ საარჩევნო მიტინგზე ჯერ სიიარტომ და იანოშ ლაზარმა ისაუბრეს, შემდეგ კი ორბანმა. პრემიერ-მინისტრის თქმით, ისინი მიაღწევენ გამარჯვებას, რომელიც ყველას გააკვირვებს, მათ შორის საკუთარ თავსაც.

უნგრეთის საპარლამენტო არჩევნების წინ ბოლო გამოკითხვების თანახმად, პეტერ მაჯიარის ოპოზიციური პარტია „ტიზა“ პრემიერ-მინისტრ ვიქტორ ორბანის „ფიდესს“ სხვადასხვა კატეგორიაში 9, 11 და 13 პროცენტული პუნქტით უსწრებს.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო