უკრაინულმა „ნეპტუნის“ რაკეტებმა ოკუპირებული ყირიმი, კერძოდ, არმანსკის მახლობლად, სოფელ ვოლოშინოს მიდამოებში, დაარტყა - იქ 6 ნავი დაზიანდა, ერთი სამხედრო მოსამსახურე დაიღუპა. თავდასხმის დეტალებს Telegram-ის არხები „ასტრა“ და „მილიტარნი“ წერენ.

აღნიშნულია, რომ შაბათს დილით სიმფეროპოლის აეროპორტს უპილოტო საფრენი აპარატები დაესხნენ თავს და მათგან სულ მცირე 2 სამიზნეს მოხვდა, ერთი - პირდაპირ სამხედრო ვერტმფრენ „მი-8“-ში, რომელიც მთლიანად განადგურდა.

ასტრა ასევე წერს, რომ OSINT რესურს AviVector-ის თანამგზავრული სურათების ანალიზის თანახმად, ხანძარი ჩანდა იმ ადგილებში, სადაც „მი-8“ და „მი-24“ ვერტმფრენები იმყოფებოდნენ. ამტკიცებენ, რომ ორივე განადგურდა.

გარდა ამისა, გამოცემის ცნობით, იმავე დღეს, სოფელ ვოლოშინოს მიდამოებში, კერძოდ, რუსეთის სასაზღვრო პუნქტის ტერიტორიაზე, უკრაინული „ნეპტუნის“ რაკეტები დაესხნენ თავს. იქ, „ასტრას“ ცნობით, 6 ჰოვერკრაფტი დაზიანდა, ერთი სამხედრო მოსამსახურე დაიღუპა. ერთმა უპილოტო საფრენმა აპარატმა იმავე რაიონში ყაზარმას დაარტყა, გამოცემა დარტყმის შედეგების შესახებ ინფორმაციას არ ავრცელებს.

ამასობაში, „მილიტარნი“ აზუსტებს, რომ არმანსკის მახლობლად, უკრაინის თავდაცვის ძალების „ნეპტუნის“ ტიპის ფრთოსანმა რაკეტებმა FSB-ს ობიექტი დაარტყა. რაც შეეხება დაზიანებულ ნავებს, გამოცემა ვარაუდობს, რომ ეს შეიძლება იყოს A-8 ხივუსი და A25PS ჰოვერკრაფტი.

„A-8 ხივუსის“ სიგრძე 7.45 მ და სიგანე 3.30 მ-ია. მანქანა აღჭურვილია 143 ცხენის ძალის ბენზინის ძრავით. მაქსიმალური სიჩქარეა 60 კმ/სთ, ფრენის დიაპაზონი 400 კმ-მდეა. ეკიპაჟი ორი ადამიანისგან შედგება, ასევე შესაძლებელია ბორტზე რვა ადამიანისგან შემდგარი სასაზღვრო პატრულის გადაყვანა. ნავის ავტონომია საშუალებას აძლევს მას სამ დღემდე ემსახუროს“, - ამბობს „მილიტარნი“.

გამოცემის ცნობით, A25PS ნავის სიგრძე 17.23 მ და სიგანე 7.94 მ-ია. ის აღჭურვილია ორი დიზელის ძრავით, რომელთაგან თითოეული 370 ცხენის ძალას შეადგენს, მაქსიმალური სიჩქარე 93 კმ/სთ-მდეა, საკრუიზო დიაპაზონი 500 კმ-მდე. ნავს შეუძლია 30-50 დესანტის გადაყვანა, ეკიპაჟი კი ორიდან სამ ადამიანამდეა.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია