მრავალეროვნული სამხედრო სწავლება „Agile Spirit 2017“-ის ფარგლებში, ორფოლოს პოლიგონზე ღია კარის დღე გაიმართა.

თავდაცვის სამინისტროს ინფორმაციით,  ღონისძიებას სამცხე-ჯავახეთის მაცხოვრებლები, სტუდენტები, გენერალ გიორგი კვინიტაძის სახელობის კადეტთა სამხედრო ლიცეუმის მოსწავლეები და ადგილობრივი ხელისუფლების წარმომადგენლები დაესწრნენ.

უწყების ცნობით, ღია კარის დღეზე მოწვეულ სტუმრებისთვის სწავლებაში გამოყენებული სამხედრო ტექნიკის გამოფენა მოეწყო.

სამცხე-ჯავახეთის მაცხოვრებლებს, სტუდენტებს და ადგილობრივი ხელისუფლების წარმომადგენლებს საშუალება ჰქონდათ საერთაშორისო სწავლებაში გამოყენებული აღჭურვილობა, მძიმე და მსუბუქი ტექნიკა დაეთვალიერებინათ.

ღონისძიების ფარგლებში, მოწვეული სტუმრებისთვის საპარაშუტე ხტომებიც გაიმართა.

„Agile Spirit 2017“-ს საქართველოს შეიარაღებული ძალების სახმელეთო ჯარების დასავლეთ სარდლობა და აშშ-ის საზღვაო ქვეითთა კორპუსის ევროპისა და აფრიკის ძალები ატარებენ.

წვრთნებში საქართველოს, აშშ-ის, უკრაინის, ბულგარეთის, რუმინეთის, ლატვიის და აზერბაიჯანის სამხედრო მოსამსახურეები იღებენ მონაწილეობას.

სწავლება ოფიციალურად, 11 სექტემბერს საჩვენებელი წვრთნებით დასრულდება.

(NS) 

ავტორი: ,

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა