საგარეო საქმეთა მინისტრის მოადგილემ დავით ჯალაღანიამ მონაწილოება მიიღო ევროკავშირ-საქართველოს ბიზნეს-საბჭოს (EUGBC) მიერ ორგანიზებულ ბიზნეს კონფერენციაში „ევროპული კომპანიები საქართველოში: მზარდი ვაჭრობა და ინვესტიციები".

სიტყვით გამოსვლისას, მინისტრის მოადგილემ ისაუბრა საქართველო-ევროკავშირის პოლიტიკურ-ეკონომიკური თანამშრომლობის ასპექტების შესახებ, ასევე ფორუმის მონაწილეებს გააცნო საქართველოს მთავრობის ეკონომიკური ხედვა, რომელიც მიმართულია ქვეყანაში საინვესტიციო და ბიზნეს კლიმატის გაუმჯობესებისკენ.

დავით ჯალაღანიამ აღნიშნა, რომ ღრმა და ყოვლისმომცველი თავისუფალი ვაჭრობის შესახებ შეთანხმების (DCFTA) ამოქმედება დადებითად აისახა როგორც საქართველოდან ევროკავშირში ექსპორტის მაჩვენებელზე, ასევე ზოგადად საქართველოში პირდაპირი უცხოური ინვესტიციების მოცულობის ზრდაზე.

მინისტრის მოადგილემ, ასევე ისაუბრა საგარეო საქმეთა სამინისტროსა და EUGBC-ს შორის ნაყოფიერი თანამშრომლობის შესახებ. ამ თვალსაზრისით აღინიშნა EUGBC-სა და საზღვარგარეთ საქართველოს დიპლომატიური მისიების მიერ ერთად ორგანიზებული ბიზნეს ფორუმები.  მან, ასევე მონაწილეებს მიაწოდა ინფორმაცია, ეკონომიკური დიპლომატიის ფარგლებში საგარეო საქმეთა სამინისტროს მიერ გატარებული ღონისძიების შესახებ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო