თბილისში კომპანია „ჯიბე ქეშ ენდ ქერის“ მეთორმეტე აუთლეტ მაღაზია გაიხსნა. ობიექტის გახსნის საზეიმო ღონისძიებაში საქართველოს ვიცე-პრემიერმა, ეკონომიკისა და მდგრადი განვითარების მინისტრმა, დიმიტრი ქუმსიშვილმა მიიღო მონაწილეობა.

„ჯიბემ“ ქვეყნის მასშტაბით უკვე მეთორმეტე ობიექტი გახსნა. კომპანიაში 2015 წელს განხორციელდა 10 მილიონ დოლარზე მეტი ინვესტიცია და დასაქმებულია 200-ზე მეტი ადამიანი. კომპანიას აქვს გაფართოების გეგმები, რომლის მიხედვით  2016 წლის ბოლომდე კიდევ ოთხი მაღაზია უნდა გაიხსნას და დამატებით დასაქმდეს 400 ადამიანზე მეტი. მაღაზიათა ქსელი „ჯიბე“ შემსყიდველებს და ბითუმად მოვაჭრეებს სთავაზობს შესაძლებლობას, რომ შეიძინონ პროდუქცია საკმაოდ კარგ ფასში და, რაც მთავარია, აბსოლუტურად ცივილიზებულ გარემოში“ - განაცხადა დიმიტრი ქუმსიშვილმა.

„ჯიბე“ წარმოადგენს საბითუმო სავაჭრო კომპანიას, რომელსაც საქართველოს ტერიტორიაზე 12 ფილიალი აქვს. მისი მომხმარებლები არიან დიდი, საშუალო  და პატარა როგორც ქსელური, ასევე ყველა ტიპის მაღაზიები,  სასტუმროები, რესტორნები, კაფეები და სხვადასხვა ფორმატის მომსახურებისა და ვაჭრობის ობიექტები. მაღაზიებში წარმოდგენილია პროდუქტი, სასმელი, საყოფაცხოვრებო ქიმია, ბავშვთა მოვლა და ჰიგიენური საშუალებები. „ჯიბეს“ აუთლეტ მაღაზიებიდან 3 თბილისში, ხოლო 9 რეგიონებშია განლაგებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო