“ბოლო პერიოდში ძალიან ეშინიათ ლევან ხაბეიშვილის და აი, ამ შიშის გამო სხვა გამოსავალი ვერ იპოვეს უბრალოდ და აბსურდული ბრალდებით დააკავეს. თუ ჰგონიათ, რომ ლევანის დაკავებით ჩააქრობენ 4 ოქტომბრის მუხტს, პირიქით, ლევანის ადგილას გამოვა ათი ათასობით საქართველოს მოქალაქე და ნახავენ ქართველი ხალხის რისხვას.” - განაცხადა “ნაციონალური მოძრაობის” გენერალურმა მდივანმა, პეტრე ცისკარიშვილმა

 “ჩვენ გუშინ გავაკეთეთ ამასთან დაკავშირებით შეფასება. მიხეილ სააკაშვილის ეშინია უკვე ამდენი წელია ბიძინა ივანიშვილს, ბოლო პერიოდში, როგორც ჩანს, ლევანისიც ძალიან შეეშინდა. და აი, ამ შიშის გამო სხვა გამოსავალი ვერ იპოვეს უბრალოდ და ადამიანის იზოლირება გადაწყვიტეს და დააკავეს ლევანი აბსოლუტურად გაუგებარი, წარმოუდგენელი, აბსურდული ბრალდებით - ვითომ ვიღაცას სთავაზობდა ქრთამს. სინამდვილეში, კანონის საფუძველზე საბიუჯეტო ასიგნებებით გათვალისწინებული ჯილდოს და პრემიის შეთავაზება როგორ შეიძლება იყოს ქრთამი, ამაზე თქვენ თვითონ გაეცით პასუხი. 4 ოქტომბრის გეგმებს რაც შეეხება - არაფერი იცვლება - რეჟიმს თუ ეგონა, რომ ამით ველს მოასუფთავებდა და ლევანის იზოლირებით ჩააქრობდა იმ მუხტს, იმ ტალღას, რომელიც იგეგმება 4 ოქტომბრისთვის და იმ ბრაზს რაღაცნაირად გაანეიტრალებდა, რაც საზოგადოებაში არსებობს მე დარწმუნებული ვარ, რომ ეს მოხდება პირიქით. ლევანი დააკავეს, მაგრამ მის ადგილას გამოვა ათობით და ასობით სხვა ადამიანი, რომელიც ჩაანაცვლებს ლევანს სწორედ იმ დღეს, 4 ოქტომბერს, როდესაც ისინი ნახავენ ხალხის რისხვას.” - განაცხადა პეტრე ცისკარიშვილმა

ავტორი: ექსპრესნიუსი,

სოციალური ქსელები

რკინიგზას თბილისი-ქუთაისის მიმართულება დაემატება

ოკუპანტების მიერ დაკავებული საქართველოს მოქალაქე თავისუფალია

ახალი მოდელები, ფლიტ მენეჯმენტი და B2B მიმართულების გაფართოება - „ჯილი ცენტრი თეგეტამ“ 2026 წლის პირველ კვარტალში რეკორდული შედეგები აჩვენა

დენის ფასის გაზრდის მიუხედავად, ოცნებამ 157 ენერგეტიკულ კომპანიას 1 მილიარდი ლარის ჯარიმები აპატია