“ივანიშვილმა ფსონი დადო ავტორიტარული რეჟიმების კავშირზე და 3+3 ფორმატზე, სადაც წამყვანი როლი პუტინს ჰქონდა, მაგრამ ირანში ისრაელისა და აშშ-ის სპეცოპერაციის შემდეგ ფორმატი დაიშალა – თურქეთი, აზერბაიჯანი და სომხეთი გავიდნენ, პუტინი, ირანი და ივანიშვილის მმართველობის ქვეშ მყოფი საქართველო თამაშგარეში დარჩნენ.”- განაცხადა “ნაციონალური მოძრაობის” ანტიკორუფციული მიმართულების მდივანმა, ვასო ურუშაშემ

- “ივანიშვილმა ფსონი დადო ავტორიტარული რეჟიმების კავშირზე, რაც გამოიხატებოდა 3+3 ფორმატით, სადაც წამყვანი როლი ჰქონდა მის ბუნებრივ მოკავშირეს, ვლადიმერ პუტინს, მაგრამ მას შემდეგ, რაც ისრაელმა და შეერთებულმა შტატებმა განახორციელეს ე.წ. სპეცოპერაცია ირანში, 3+3 ფორმატი ფაქტობრივად არის ჩაშლილი და ის პერსპექტივა, რის საფუძველზეც იქმნებოდა 3+3 ფორმატი, იქნებოდა სატრანსპორტო დერეფნის განვითარება, რომელიც ჩრდილოეთ-სამხრეთის დერეფანს გულისხმობდა, ეს იყო რუსეთისა და ირანის დაკავშირება ახალი სატრანსპორტო ინფრასტრუქტურით და რუსეთს ექნებოდა შესაძლებლობა ოკეანეზე გასვლის, რის შემდეგაც მოხდებოდა ცენტრალური აზიის ბუნებრივი რესურსების მითვისება და ამერიკული, ბრიტანული და ევროპული კომპანიების გაძევება ცენტრალური აზიისა და კავკასიის რეგიონიდან. ეს ოცნება, პუტინის და სხვა ავტორიტარული რეჟიმების, არის დასრულებული, დასრულებულია ივანიშვილის ოცნებაც და შესაბამისად, რჩება 3+3 ფორმატიდან თურქეთი, აზერბაიჯანი და სომხეთი გავიდნენ, მუშაობენ ახალ სატრანსპორტო დერეფნებზე, ახალ სატრანსპორტო ლოჯისტიკურ ინფრასტრუქტურაზე, რჩება პუტინი,  ირანი  და საქართველო ივანიშვილის მმართველობაში, რომელიც საერთოდ თამაშგარე მდგომარეობაშია ამ კონკრეტულ ვითარებაში, თუმცა ჩვენ გვაქვს იმის პერსპექტივა, რომ ვიყოთ არა მხოლოდ სატრანსპორტო დერეფანი, არამედ ვიყოთ ლოგისტიკური-ეკონომიკური ჰაბი რეგიონში, ვიყოთ შვეიცარიული და სინგაპურული ეკონომიკური მოდელის ახალი პერსპექტივა კავკასიის რეგიონში, უბრალოდ ეს ყველაფერი ვერ მოხდება ივანიშვილის და კობახიძის მმართველობის პირობებში. მნიშვნელოვანია დემოკრატიული მმართველობის დღის წესრიგის დაბრუნება, ჩვენს სტრატეგიულ პარტნიორებთან - აშშ-თან, დიდ ბრიტანეთთან, ევროკავშირთან ურთიერთობების აღდგენა, ინვესტიციების მოზიდვა და იმ პერსპექტივების რეალიზება, რომელიც ამ გეოპოლიტიკური ვითარებიდან გამომდინარე ჩვენ დღეს გვეძლევა.” - განაცხადს ვასო ურუშაძემ

ავტორი: ექსპრესნიუსი,

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ