ევროპარლამენტმა ევროკომისიის პრეზიდენტის, ურსულა ფონ დერ ლაიენისადმი უნდობლობის გამოცხადების ვოტუმი უარყო.

რეზოლუციის წინააღმდეგ 360-მა ევროპარლამენტარმა მისცა ხმა, მომხრე იყო 175-მა, ხოლო 18-მა თავი შეიკავა.

კენჭისყრაში 720 ევროპარლამენტარიდან 553-მა მიიღო მონაწილეობა.

მომხრე ხმების რაოდენობა მნიშვნელოვნად ნაკლები იყო იმ ორ მესამედზე, რაც საჭირო იყო ევროკომისიის ხელმძღვანელისთვის უნდობლობის გამოცხადებისა და მისი გადადგომის იძულებისთვის.
ურსულა ფონ დერ ლაიენი კენჭისყრის დროს ოთახში არ იმყოფებოდა. ის იტალიის დედაქალაქ რომში იმყოფება უკრაინის აღდგენისადმი მიძღვნილ საერთაშორისო კონფერენციაზე დასასწრებად. 

„გმადლობთ და გაუმარჯოს ევროპას“
უნდობლობის ვოტუმის უარყოფის შემდეგ ურსულა ფონ დერ ლაიენის პირველი რეაქცია ხანმოკლე იყო. მან სოციალურ ქსელ X-ზე გამოაქვეყნა შეტყობინება, რომელშიც ევროპარლამენტარებს მხარდაჭერისთვის მადლობა გადაუხადა.

„გლობალური არასტაბილურობისა და არაპროგნოზირებადობის დროს, ევროკავშირს სჭირდება ძალა, ხედვა და მოქმედების უნარი. ჩვენ გვჭირდება ყველა, რათა გავუმკლავდეთ საერთო გამოწვევებს. ერთად“, - წერს ევროკომისიის პრეზიდენტი.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო